«Դալմա Գարդեն մոլ»-ի ղեկավարությունը մասնագիտական խումբ է հրավիրել Մոսկվայից․ մոլը չի գործի մինչև հունվարի 14-ը

«Դալմա Գարդեն մոլ»-ի ֆեյսբուքյան պաշտոնական էջում գրառում է տարածվել, որում նշվում է, որ ելնելով տեխնիկական աշխատանքներ կատարելու և մոլի բնականոն աշխատանքները վերսկսելու անհամատեղելիությունից, այն չի աշխատի մինչև ս.թ. հունվարի 14-ը:

Գրառումն ամբողջությամբ՝ ստորև

«Մենք շարունակում ենք հետևել ԱԻՆ-ի մեր գործընկերների աշխատանքներին:

Ելնելով մեր հաճախորդների և գործընկերների շահերից՝ Դալմա Գարդեն մոլի ղեկավարությունը միևնույն ժամանակ մասնագիտական խումբ է հրավիրել Մոսկվա քաղաքից օդափոխության համակարգի տեխզննման աշխատանքների իրականացման համար:

Աշխատանքները իրականացվելու են մոտ օրերին, և Դալմա Գարդեն մոլը շարունակելու է չգործել մինչև հունվարի 14-ը՝ ելնելով տեխնիկական աշխատանքներ կատարելու և մոլի բնականոն աշխատանքները վերսկսելու անհամատեղելիությունից:

Ցանկանում ենք հավաստիացնել, որ տվյալ պահին կատարվում են բոլոր քայլերը, որպեսզի Դալմա Գարդեն մոլը հնարավորինս շուտ վերսկսի բնականոն աշխատանքը:

Կրկին շնորհակալություն ենք հայտնում հավատարմության և մեր կողքին լինելու համար»:

Share: