Forbes-ի՝ ինքնուրույն հարստացած ամենահարուստ կանանց վարկանշային ցանկը

ԱՄՆ-ի ինքնուրույն հարստացած 80 ամենահարուստ կանանց համատեղ կարողությունը 2019-ին կազմում է 81.3 մլրդ դոլար:

Վարկանշային ցանկում ընդգրկվելու համար անհրաժեշտ նվազագույն գումարը 225 մլն դոլարն է: Հենց այդ գումարն է, ըստ Forbes-ի, կարողացել վաստակել թենիսիստուհի Սերենա Ուիլյամսը, որը վարկանիշում ներառված միակ մարզուհին է:

Ցանկը գլխավորել է տանիքի ծածկերի խոշոր ամերիկյան արտադրող ABC Supply ընկերության համահիմնադիր և ղեկավար Դիանա Հենդրիքսը, որի կարողությունը գնահատվել է 7 մլրդ դոլար:

Ցանկում տեղ են գտել նաև երկու հայուհիներ. 42-րդ տեղը զբաղեցրել է ձեռնարկատեր, ոսկերչությամբ զբաղվող Քերոլին Ռաֆայելյանը՝ 520 մլն դոլար կարողությամբ և հեռուստատեսության աստղ Քիմ Քարդաշյանը (57-րդ տեղ)՝ 370 մլն դոլար ունեցվածքով:

Share: